البنات رجعن للشقه بعد الساعه2 الليل وبعد مامهره طلعت روحها
ام مهره:وجعن يوجعكن وينكن فيه كان نمتن برا
شيهانه:ترد على امها يمه ترى هذي ماهي الديره نرجع عشر بالليل هذي الرياض ولان
شيهانه قاطه الميانه شوي مع امها قالت(يمه احمدي ربتس انا رجعنا هالوقت مارجعنا
5الصبح)
ام شيهانه:اقول اكلي تبن وانقلعن داخل الشره على اللي بيجيبكن للرياض مره 2
يالمراهقات(هالكلمه سامعتها ام شيهانه من التي في وازعجتنا فيها)
البنات كانوا تعبانين وبالذات مهره المسيكينه اللي وقف قلبها من الخوووف \\ولاننسى
دانا اللي حبيب القلب زعلان عليها\\اما هيفا يوم شافت الطخمان نست خويها\\
الهنوف وشيهانه يتصلن على الارقام اللي جاتهن بلوتوث.
اليوم الثاني تصحى شيهانه من ضحك مهره وقت الظهر
شيهانه:مهره وجع خير وش فيك تضحكين على هالصبح
مهره:صبح بعينك لايفوتك تعالي شوووفي هيفا لاتفوتك
شيهانه:خير وش فيها هالرجه
مهره:شيهانه بسرعه لايفوتك عينها قارصتها ناموسه
شيهانه:تصحي بسرعه وتشوف عين هيفا عشان تحب تضحك دايم على البنات
شيهانه:هيفا يمه عينتس تخرع يعني خلاص امسحي من بالتس تطلعين اليوم
هيفا:معصبه وحاطه كمادات بارده على عيونها(اقول طسي من وجهي تراني مو رايقه
لتس.
شيهانه تجلس جمب مهره فاطسات من الضحك والله يكون بعون هيفا طاحات بلسان
مهره اللي استحاله تسكت على الموضوع\\مهره اقرب وحده لهيفا وتنبسط اذا عصبت
هيفا لان شكل هيفا يفطس من الضحك اذا عصبت
دانا وهنوووف يدخلووون ويسالون خير وش فيكن تضحكن؟
مهره:بنات شوفن عيوون هيفا
البنات:يمه وش فيها عيونها قول مطقوقه بوكس على عينها
هنوف تبي ترفع ضغط هيفا(هيفا لو سمحتي ماابي امشي جمبتس اليوم عشان
ماتفشل)
هيفا:موووتي قهر بامشي جمبتس وباقول ترى هذي اختي عشان الشباب يطقون
منتس
هنوووف:فاطسه ضحك خلاص باقول هذي شغالتنا طاقتها امس بعينها عشان
ماجابتلي موويه
هيفا:تخسين مابقى الاانتي اكوون شغالتس
مهره تدخل وتهدي بين البنات اقول وش رايكن نتغدا برا
هيفا:معصبه انتي من جدتس وعيني وش اسوي فيها
شيهانه:عاااااااااااادي البسي نظاره شمسيه فوق البرقع عشان تطلعين بدويه متحضره
هيفا:فاطسه ضحك والله ماهي شينه
شيهانه:هيه انتي ترى امززززززح لااحد يفشلنا ويسويها عاد من زين نظارتس
الشمسيه اللي شاريتها من البقاله اللي جمب بيتكم ب10 ريال
هيفا:تكفين يام الماركات شريتي نظاره شانيل وازعجتينا
شيهانه:احسن من اللي ماعندها الا نظارات الهنوود
قرررت هيفا ماتطلع وتنطق بالشقه\\اما البنات طلعن وتغدن برا وفلوها وناسه وجابوا
لام مهره وهيفا غددا معهم.
الساعه9باليل شيهانه تتكشخ اخر كشخه وهنووف زيها اما دانا كانت مررره سيمبل
ومهره زي العاده عادي وهيفا عينها خفت وبرضو عادي كشختها
ام مهره طلعت تزور خويتها اللي بيتها كان بحي الملك فهد لانها تكره اسوووواق البنات
اللي يريحوون لها
البنات طلعن للممملكه وطلعن فوق بعالم المراه هنوف وشيهانه ودانا وهيفا كشفن
اما مهره ماكشفت خايفه ان وحده من هالبنات تلقط لها صوره(هالبنت متعقده من يوم
ماجات البلوتوثات)
شيهانه:تمشي مشية الطاوس وكانت ملامحها هنديه عيوونها كبار ووجها افدع وشعرها اسود
هنووف:ملامحها ناعمه بيضا وجسمها كانهو جسم جنيفير لوبيز وشعرها اسود
هيفا:نحيفه وشعرها قصير وملامحها جذابه
دانا:ملامحها ملامح بدووويه حواجب عريضة وشعر اسود طووويل
هنوف وشيهانه مايناظرون باي بنت لانهم يحبوون ان البنات اللي يناظرون فيهم\\
اما دانا رافعه حاجب ومنزله حاجب \\ومهره كانها رادار ببرقعها مافسخته وتطالع يمين
وشمال تشوف احد يصورنا لان الجوالات اللي بالكاميرا مو ممنوعه بعالم المراه
هنووف:شيهانه شوفي هذيك البنت ياحلو ملامحها لاتفوتك بس لاتناظرينها ذلحين
عشان ماتدري انا نحكي عليها شوفيها بعد شووي
شيهانه كانت رافعه شعرها فوووق زي تسريحه المبهذله (هنوووف عاديه مافيها ملح)
هنوووف:تضحك بشويش عشان ماتطلع اسنانها مسويه فيها ذربه(اقول شيهانه الله
يقطعتس من هالغيرة ماتمدحين ابد)
شيهاانه:اي غيرره وعععع انا شوشو اغير من هالطقاقه خشتي ازين منها
دانا وهيفا يدخلوون بالموضوووع واللله ياشوشه قصدي ياشوشو البنت مزيونه
بس انتي الله يهديتس ماتمدحين احد
شيهانه:طيب انطمن وحسنن اسلوبكن ترانا بعالم المراه شوفن اسلوب بنات الهاي
كلاس تعلمن منه انتن واسلوبكن
دانا:تكفين يام الاسلووووب موفرينه لتس
شيهانه:اقول بنات احنا جايين لللرياااض عشان نشوف بناتهم ولا شبابهم اقول
خلنا نطلع ندور بالشووااااااااارع ونصيد لنا كم صيده
هنوووف:اقررب وحده لشيهانه لان افكارهن متشابهه(ايه والله صادقه شوشه هانم)
مرن بويات قدام هالبدويات
دانا:ياطرجيبي (معناها يعني ياويلاتاه)وش ذولي مسترجلات
هيفا:لااحد يسمعتس هذولي بويات
دانا:كلها زي المعنى يمه شوفي كششهن وش فيها طايره قولي شافطهن كهرب
شيهانه:هذي موضه لااحد يسمعتس يالبدووويه
دانا:امحق موضه كانهن خبل حرام على هالبنات بهالحلاوة مسترجلات
مهره:دانا وش رايك نشبكك مع وحده منهن
دانا:بسم لله علي ليه قلوا الرجال
مروا البويات على البدويات وكانوا يناظرون دانا شكلهم يبون يشبوكنها
دانا:بنات خلنا نطلع قبل يخطفني
شيهانه:ياليت عشان نفتك منتس
هنووف:ماعليتس اادبهن لتس ذلحين
بنات البدو دايم لسانهم طووويل بس زي هنننوف ماشفت في اللسان
مروا البويات مره ثانيه على البنات
هنوووف:خيييييييير فيه شي
شيهانه:تناظرهن من فوق لتحت خليهم هنووو مسكينات ماشافن خير ماعمرهن
شافن مزيونات
البويات وحده منهم ترد ووكانت طووويله بس البنت مررره كيوووت (هههههههه لا
ماعمرنا شفنا مزيونات ممكن رقمكم)
هيفا:اقول استحي على وجهتس وانقلعي
بدا شجار بين البنات ووتجمعوا حولهم كل البنات اللي بعالم المراه حتى جات حارسة
الامن وطردت البدويات والبويات
هنووف:بنات ال............. والله لو ماسحبتني منهن كان بالجزمه فوق خششهن
عشان يعرفن ان الله حق ويتوبون من الاسترجال مره ثانيه
مهره:اقول انا باتسووق باروح لدبنهامز فيه احد بيروح معي؟
دانا:باروح معتس
هيفا تغمز عينها على شيهانه وهنووف
هنووف وشيهانه فهمنها
تبوون تعرفوووووون وش فهمن؟
هالحركه يسونها اذا بغن(ارادن) البنات يهربن من المجموعه طلعت هيفا وشيهانه وهنوووف بالليموزين
ومهره ودانا بسوووق الممملكه يتسوووقن مايدرن ان البنات طلعن
هنوووف تركب الشريحه الثانيه اما شيهانه تطلع جوالها الثاني وهيفا تراقب السيارات
هنوووف:بنات وش رايكن اكلم اللي رقمنا امس بالبلوتوث ترى واضح عليه ولد عزز
خليه يشوفنا
شيهانه وهيفا ماهي شينه.
كلمت هنووف الولد وقالتله يجي بالتحليه
فسخن البنات براقعهن وتلثمن وكان سواااق الليموززين يراقب الوضع وساكت\\جا
خويي هنووف وافتننه البنات كان طويل وابيض ومشخص جلس يطارد البنات من بعيد
وطلب من هنووووف تفتح شباكها لما فتحته كان اسمه ثامر
ثامر:هاي بنات كيفكم
البنات:بخير
ثامر:بنات انا عازمكم على العشا
هنووووووووووف:تجامله لا ياقلبووو ميرسيه
شيهانه:عادي هنووو خليه يعزمنا فلوسه واجد
هيفا:وجع مابقى الانطلع مع الشباب احنا نغازل عااااااادي بس انديت ممنوع عندنا
ثامر:طيب براحتكم انا استاذن هنووووو لاني مشغوول
هنوووووووف:اوكي باي(تقو ل بقلبها فكه عشان اخذ راحتي بالمغازل مع البنات)
شافوا الشباب بنات بالليموزين ولا متانقات كانت هننوووو حاطه كحل خفيف \\اما شوشو
كانت حاطه كحل ازرق داخل بس العين\\ اما هيفا كحلها واصل لاذنها تبي توسع عينها
رن جوال شوشو كانت المتصله اختها مهره شوشو كانها مو شايفه الرقم
اتصلت مهره على هيفا برضو سافهتها
واتصلت على هنووف كان مقفل
عرفت مهره انهن طلعن وجلست تلعنهن عند دانا
البنات بالليموزززين وكانت السيارات متجمعه حولهن وقفن عند محل بالتحليه كان
النادل برا ياخذ الطلبات وكان محل عصيرات
جا النادل عندهن وكان فلبيني يسالهن وش يطلبن بس بالانجليش
البنات تلعثمن حتى ردت هنوو عليه قالت له دو يو سبيك عربي قال لها نووو
عرفن البنات انهن ابتلشن حتى تذكرررت شوشو اسم البرتقال بالانجليش قالت اورنج
وجلس يسالهن تبن الكاس كبير او متوسط اوصغير برضو بالانجليش البنات بدان
يتلفتتن على بعض وميتات ضحك من الفشله \\حتى انقذهن واحد كانت سيارته
همر اسووود مظلله نزل من سيارته كان نعووم مره ونافش كشته زي البويات اللي
شافنهن البنات بعالم المراه وجاوب هالولد على النادل \\هيفا التفت لصاحب الهمر
تبي تشكره تخيلوا
وش قالها؟
دامكن ماتعرفن انجلش رازاتن وجيهكن هنا ليش لا وراكبات بعد ليموزين
شيهانه عصبتسوري قلبوووو احنا مانحاكي
بنات بس نحاكي شباب)
تعرفون وش قصدها؟
لان الولد كان نعووم مررررره ولابس جينز شوي وبيطيح من خصره
الولد قرب عند نافذه هنوووووووف وطلب منها تفتح نافذتها عشان يحاكي شيهانه
هنووو رفضت الولد يصر وهنوووو ترفض
هيفا:جعلتس المسرررع ياشوشه ذلحين انتي عارفه ان شباب الرياض مايطيقون
اي بنت تطول لسانها عليهم ذلحين تحملي وش يجيتس اقول هنوو افتحي النافذه
خليه يربيها
شيهانه:اقول لاتفتحينها ياهنووو هذا شكله راعي مخدرااات شوفي وشلون عيونه
من تحت سودا
هنووف:دامتس عارفه ذلحين وش يفكنا منه
صاحب الهمر جا عند سوااق الليموزين طلع من جيبه 500 ريال
قال لصاحب الليموزين افتح النافذه وباعطيك اياها
سواااق الليموزين هندي وانتوا عارفين الهنود يصدعووون اذا شافوا ريال وش بالكم
ب500
هنوووف:ابو.................لاتفتح النافذة كسرت كعب شوشه على راسك
الهندي خاف وجلس يهز راسه على صاحب الهمر
جات الطلبات ولازم البنات ياخذنها ولازم يفتحن النافذه
شيهانه:هنوووف افتحي بس النافذة واعلى مافي راسه هالخ........ يسويه
هنوووف:طيب
تنفتح النافذه والشاب يدخل راسه جو النافذه ويسحب لثمة شوشه ويطالعها منبهر
وشوي معصب شوشو تضرب يده وتزين لثمتها
صاحب الهمر:شوفي ياام لسان اذا ماخذيتي رقمي ذلحين وتتصلين علي قدامي
صدقيني لاوديك بستين داهيه
شيهانه:معصبه وخايفه اعلى مافي راسك سووه
صاحب الهمر:ترى ماتعرفين انا ولد مييييييييييين
شوشوه:وخير يعني
هنووف خلاص عطنا وبتتصل \\ويعطيهم الرقم \\وهيفا تقرص شيهانه برجولها اقول انطمي
هذا شكله ولد عز خلي الليله تعدي علي خير
لما اتصلت هنووف قدامه قال عطيه للي جمبك شيهانه لازالت مصره على رايها البنت
عوبا(شريره)ماتبي تحاكيه
صاحب الهمر يعني مارح تتكلمين
شوشوه:تطالعه من فوق لتحت وترفع حاجب لا
صاحب الهمر:طيب انزلي ابيك تركبين معي السياره
شيهانه:واثق من نفسك كثير ليه قلوا الشباب عشان اركب مع خكري زيك
صاحب الهمر عصب:من الخكري يابنت...............
هنوووف:تحاول تهدي الموضوع ياابن الحلال خلاص روح ماتصلت قدامك وعطيناك الرقم
صاحب الهمر:انتي شب ولاكلمه انا احاكي هذي مااحاكيك
شوشو:تضحك بصووت عالي تبي تقهره بس انا ماابي احاكيك اووووووووووف
هيفا:لازالت مستمره تقرررص رجول شوشو جعلتس المسرع اسكتي
صاحب الهمر:طيب انا اوريك
تخيلوا هالسخيف وش سوى بشوشه
خذا العصيرات اللي طلبنها من النادل وكبها عليها
بعض العصير جا على وجه هنووو وكل العصير على شوشه اما هيفا ماجاها شي
هنوووف:فاطسه ضحك ههههههههههههههههههه
شوشوه:معصبه ودموع غارقه عينها تطالع صاحب الهمر بقهر بس مسكينه البنت
ماتقدر تسوي شي السيارات كانت متجمعه على البنات فاطسين ضحك
صاحب الهمر:مرة ثانيه لاتطولين لسانك على اسيادك
شوشو:لازالت ساكته ودموعها بعينها بس هالبنت غريبه اذا دمعتها طلعت اعرف
انها ماتطلع على سهوله
صاحب الهمر:ههههههههههههههههه ياحرام يالله ياماما انزلي روحي تروشي
شوشه:لازالت ساكته وكانها مصدومه
هيفا:عرفت ان شوشو انهارت حاولت تهدي الوضع شوشو عادي حبيبي ترى حتى
هنووو متغرقه زيك
هنووف:حاولت تمسك ضحكتها شوشو ترى الوضع عادي قهرتي الولد وهو ردها لك
شوشو:تطلب من الليموزين يتحرك ويوقف عند اقرب مطعم للعوايل بالتحليه عشان
تنزل للتواليت تمسح العصير منها
صاحب الهمر:طلع لسيارته بس قلبه حن على شوشو لانها ماتكلمت ولاكلمه عليه
ولاحتى سبته اما السبب الكبير انه مفتوووووون فيها بعد ماشاف وجهها \\بس حب الولد
يقطع لها لسانها طلع ورا الليموزين زيه زي السيارات الثانيه.
نزلت هنوووو وشوشوووو لمطعم قريب عشان التواليت اما هيفا كانت مشغوله بحفظ
ارقام الشباب
هنوووف داخل التواليت:شوشو حبيبي وش فيك ساكته لاتكبتين بكيتك عادي قلبووو
طلعيها ترى الوضع عاااااااااااااادي انا زيك انكب علي
شوشو:بصووت هادي هنوووف خلاص غسلتي اطلعي برا تواليت ابي اجلس مع
نفسي شوي
هنوووف:تعرف شيهانه اذا عصبت او بالاحرى بكت ماتحب احد يشوفها عشان كذا
احترمت طلبها وطلعت
شيهانه:جلست تبكي حتى دخلت عليها وحده من اللي كانت داخل المطعم وشافتها
شيهانه تحاول تمسك نفسها وتغسل العصير اللي بوجهها وبطرحتها اكثر شي\\
طلعت شيهانه وشافت السيارات حول البنات وكان صاحب الهمر معهم حاولت شوشو
تقهره وتخلي كأن الوضع عادي راحت كشفت بوجهها وخلت الطرحه طايحه على كتوفها
هيفا وهنووف يطالعون الوضع من بعيد مصدومات
الشباب استجنوا على شوشو لانها كنت مرررررره كيووووووت اما صاحب الهمر
ارتفع ضغطه لان الشباب شافوا خشة شوشو وكانها وحده من خواته
لما قربت شوشو من الليموزين كان فيه احد ينغزظهرها من ورى توقعوا مين؟
التفتت شيهانه تشووف اللي ينغزها من ظهرها شافت................................
الاطخم اللي ماتت عليه هي والبنات بالتحليه تخيلوا وش قال لها...................
.................................................. .....................................
الله لايهينك برقعك طالع نصه من الشنطه
شيهانه:عاقده حاجبها وتشوف برقعها طالع بعضه من الشنطه تمنت ان الارض
انشقت وبلعتها ولاشافت هالموووقف
شيهانه:تحاول ترقع الموضوع عااااااااااااادي انا متعمده
الاطخم:باللللللللله بصووووووت ثقيل
شيهانه:تطالعه بربع عين وتصد
لما وصلت للسووواق شافت هنووف وهيفا سرحانات بخشة الاطخم
هيفا تاشر له وتسلم عليه\\اما هنوووف تحاول تطيح لثمتها عشان يعجب فيها
ركبت شيهانه الليموزين والاطخم بعد عنها وركب سيارة غير السياره اللي شافنه
راكبها امس
هنووووووف:شيهانه وش يقولتس الاطخم بشري عطاتس الرقم
شيهانه:تعلمها السالفه هي وهيفا وفطسن ضحك
ركب الاطخم سيارته بس ماحرك ولع سيجاره وتمنوا البنات انهم يكوونون بدال
هالسيجاره\\مهره تتصل بالبنات ومااحد يرررررررد وترسل لهن يالطقاقات وينكن فيه
البنات يسفهنها وكانهن ماشافن شي
طلعن البنات لسوبرماركت التميمي يشترن اغراض خااااصه للشقه بعد مانزلهن اللموزين
كانت السيارت التحليه كلها وراهن كانه موكب عرس واحد من هالسيارت قط رقمه
كان جذاااااااااب واخذته هيفا ولسوء حظها شافها واحد مطوووع
المطوع يكلم الشرطي اللي بالتميمي وياشر على البنات هيفا علمت البنات
وطلبن منها تقط الرقم قبل مايداهمونهم الهيئه \\وش سون البنات اللي تمسح ارقام الشباب اللي
خذتها بالبلوتوث من جوالها واللي تخش الشريحه الثانيه وجوالها الثاني بصدرها...
طلعن البنات وكان المطوع ياشر عليهن عند الضابط قرب الضابط من البنات ردت عليه
الهنووف:نعم
الضابط:اللي معها الرقم تعطينا اياه
الهنووف:اقول استح على وجهك واعرف من تحاكي
الضابط:بلا هرج زايد بتعطينا اياه والا نحاكي الهيئه تصرف معكن
هنوووف: يمه خوفتني كلمهم \\البنات يمشن وكانهن ماسوون شي وقلوبهن تضرب من الخوووف وقفن عند الشارع
ساعه يبن سيارة اجره عشان ينحاشن قبل تجي الهيئة لان الشرطي كان يحاكيهمم
واشوى جات سيارة اجرة وخذت البنات ورجعن للمملكه ومهره تسبهن هي ودانا
مهره يالله طلعنا الساعه12
هنوووف:اقول اهجدي وش طلعنا تو الساعه
شيهانه:بنات نتعشي برا
دانا:شارع التحليه لااحد يحلم فيه
هنووف:ليش من ذا حكمه حكم خوويك البط
دانا:احترمي الفاظك
هيفا:تحاول تاييد هنوووف ولاتكسر خاطر دانا بس يادانا كل المطاعم الزينه بالتحليه
دانا:نطلع مطاعم غير التحليه
مهره:صادقه داانا لعنبوكن الساعه12 وكل المريضيين النفسين هناااك
هنووف وهيفا وشيهانه ملزمات برايهن ولاعلى مهره ولادانا الا الرضوووخ
طلعن البنات بالليموزززين وكانن متحاشرات
شيهانه:والله فشله نطلع للتحليه بتاكسي
هنووف:عادي اهم شي نطلع انشالله بسيكل
طلعن وتعشن ورجعن للشقه
هنووووف شافت رقم صاحب الهمر يتصل بها يمكن 10اتصالات ورساله يعتذر
لشيهانه راحت هنووف تعطيه رقم شوشه قصدي شوشو الثاني بدون ماتعرف\\
الرقم غريب على شوشه هههههههههه البنت من هذا؟
ارد او لا
شوشه:نعم
صاحب الهمر:يسعد لي مساك
شوشه:مين
صاحب الهمر:حبيبك
شوشه:تضحك باستخفاف ضحكتني بتقول مين والا اقفل بوجهك
صاحب الهمر:معك فيصل ال......................
شوشه:والنعم وش تبي يا فيصل
هنوووف تاشر لشوشه وتقولها ان هذا صاحب الهمر
شوشه:توووعد لهنوف من بعيد.. اها اجل انت صاحب الهمر هاااااااااااه
خييييييييييييييير وش تبي؟
فيصل:بالله عليك هذا اسلوب بنت ترى عيب من جد كانك عربجيه بهالاسلوب وهو
مو لايق عليك
شوشه:تحب المدح هاه وش قلت\\ وبعدين تثقل نفسها مايكفيك العصير اللي كبيته
وش تبي؟
فيصل:ابي قلبك
شوشه:تكش بيدها على الجوال وتقول بخاطرها من زينك يالخكري لو انك الاطخم
موضوع: بنات البدو وشباب الرياض جزء (2) 
الأربعاء يوليو 02, 2008 3:08 pm