مشهور:شباب وش رايكم بهالعطر
الشباب:حلو مشهور
عزام:لما شاف شيهانه بدا يتشخص
شيهانه:تحاول تهرب من مشهور لايشوفها ويفضحها
امها:بصووووووت عالي شيهانه بنت تعالي شوفي هالعطر
شيهانه بحكم انها بعيده عن امها:تحاول تخنق امها عشان ماتطول صوتها بالمحل
وتلفت انظار الشباب لها
مشهور:وش هالقرويه اللي تنادي بهالصوت العالي على بالها ببسطه بسوق البطحا
عزام:هههههههههه بس لايفوتك شكل بنتها ياحليلها شكلها تفشلت شوفها مشهور
عبدالاله:ياحلو اسم البنت اسمها شيهانه وشكلها موووت
مشهور يلتفت ويشوف شيهانه تمشي مشية الطاوووس رافعه راسها وخشمها لفوق
شوي وتنكسر رقبتها:هههههههههههه شباب شوفوا مشيتها
عبدالاله:كانها تمشي على بيض
مشهور:يتفحص بنظراته شوشو ويقول هالشكل مر عليه
شيهانه وصلت لامها كانت تحس انها مسافه طويله :يمه خفضي صوتس ترى
هالمحل مو سوق الديره
الام:وجعن يوجعتس وش فيه سوق الديره
شيهانه:مافيه شي بس فكينا
الام:بنت شمي هالعطر الرجالي زين
شوشو:تبتسم ابتسامة خبث(ليش يمه)منهو له
الام:تستحي من نظرة شوشو ....لابوتس
شوشو:حركات والله اثاريتس مانتي هينه يمه من تحت لتحت اخسسسسسسس
حركات....
الام:اقول استحي على وجهتس عطيتس وجهه شميه زين والا لا
شيهانه:يمه الظاهر اني جايه اشتري لنفسي عطر مو نشتري لابوي
الام:الظاهر اني ماربيتس ....وابوتس مايهمتس ياقليلة الادب
شيهانه:لاحوول الا وتاج على راسي خلاص عطيني اشمه.
كانت شوشو لاهيه تنقى لها عطر ولابوها...........
مشهور:عبدالاله هالبنت وش اسمها
عبدالاله:اسمع امها تناديها بشيهانه
عزام:لاتقول انك تعرفها بعد
مشهور:ماادري احس انها هي نفس المشيه لما فشلتها عن البرقع اللي طالع نصه
عزام:مين تقصد يوووووووووووووووووووووووووه قصدك هذي هي نفسها لا لا مااظن
مشهور:عزام وربي هي
عزام:لا مشهور مااصدق وش هالصدف ولافلم هندي
مشهور:هههههههههههههههههههههه
عزام:يدقق بشيهانه صح شكلها متبهذل بس شووف عيونها تجنن حتى بدون
الكحل كانها سهرانه مانامت
عبدالاله:يقاطعهم وش السالفه
عزام:خلك على الخط بعدين نفهمك
عبدالاله:يلح عليهم
عزام:يقوله السالفه باختصار
عبدالاله:مشهور تشبك البنت والا تخليها لي
مشهور:حلالك روح لها انا عندي اللي مالين عيني
عزام:لاتتكفي عبدالاله خلها لي وانا اشبكك مع خوياتها اللي شفتهم معها
عبدالاله:طيب
عزام:يتقرب من شوشو وياشر على جواله انها تفتح بلوتوثها
شيهانه:كانت حاطه النك بلقب عيوووون بدويه.....(وش يبي هذا افتح بلوتوثي
والا لا................اقول خلني احقره عشان ينقهرون )
عزام:ياشر لها مره ثانيه
شيهانه:تطالعه من فوق لتحت وتغض بعينها
مشهور وعبدالاله يراقبون الوضع من بعيد
عزام:طاح وجهه ..
ورجع لاخوياه..........................كانوا فاطسين ضحك
مشهور:ههههههههههههههههه طيحت وجهك تستاهل
عبدالاله:هههههههههههههههه لاحرام مشهور لاتتمسخر عليه شوووف وجهه
كيف اختفى
عزام:بدال ماتتمسخرون علي روحوا شبكوهها واتحداكم انها تعطيكم وجهه
مشهور:تخسى مابقى الا هالاشكال اتحرش فيها
عبدالاله:لا اسمحلي عزام البنت واضح انها شرسه وانا ماحب هالاشكال
عزام:هههههههههههههههه بدال ماتدورون اعذار اعترفوا بهزيمتكم ان البنت
ماراح تعطيكم وجهه زي.
مشهور:عزام تتحدى؟
عزام:اتحدى باايش!
مشهور:ان عطتني رقمها تعطيني سيارتك هديه.
عزام:لاتكفى الا سيارتي ماصدقت ان ابوي يشتريها لي بعدين انت ماعليك
عايز ماشالله انواع السيارات عندك وش تبي بسيارتي ...اقولك شي غير الرهان...
مشهور:طيب خلاص تركب حمار بشارع التحليه
عزام:اذا على حمار اركب خير يعني اوكيه قبلت التحدي
مشهور:عبدالاله انت شاهد عليه
عبدالاله:ايه خلاص شاهد
مشهور يمشي بغطرسه حتى وصل لشوشو
شيهانه كانت لاهيه مع امها باختيار العطور حتى حست بصوووت يناديها
مشهور:الله لايهينك ياخاله يقصد ام شيهانه
ام شيهانه:متعقده من شباب الرياض من كثر ماخرعوها بحركاتهم السخيفه اذا
طلعت مع البنات احيانآ للسوق:خير هاه وش تبي
مشهور مصدوم:الخير بوجهك ياخاله بس ابي منك خدمه
ام شوشو:وش؟
مشهور:والله الوالده ابي اشتري لها دهن عود وانا مالي خبرة بذوق الحريم وانتي
شكلك انشالله ذوقك راقي ابيك تساعديني باختياره لو تكرمتي
ام شوشو(نقطة ضعفها الولد البار):يالبا قلبك بصووت عالي وجهن زين واخلاقن زينه
جعل امك ماتبكيك ياولدي من عيوني اخدمك)
شوشو:تراقب الوضع مصدومه
مشهور:تسلمين ياخاله
ام شوشو:والله ياولدي ناسيتن اسامي العطورالزينه لحظه اناديلك بنيتي.
ام شوشو بصووت عالي:شيهانه تعالي يابنيتي لاتستحين ذا الولد يبينا نساعده
باختيار دهن عود لامه ذكريني باسامي العطورالزينه بباريس غاليري
شوشو:تطالع مشهور باحتقار لانه كذب على امها ...(مادري يمه ناسيه اسماهن)
مشهور:يبي يرفع ضغط شيهانه(يمكن يااختي ناسيه اسماهن بس اشكالهن
مانسيتيها)
شوشو:تطالعه بصدمه وتقول بخاطرها(يمه خبيث والله لاوريك)
ام شوشو:صادق يابنيتي تذكري
ام شوشو:انسانه بريئه على نياتها من الطراز الاول تحب تخدم الناس
مشهور:يضحك بخبث تفضلي اختي شوفي العطور وتذكري
شوشو:تحاول ماتناظره تحاكيه وعيونها بعيده عن عيونه بتسالون ليش(عيووون
مشهور توحش مره نظرتها حاده واللي يناظر فيها يضيع الحكي منه)
مشهور:هاه ماتذكرتي لذلحين وش هي اسمائها
شوشو:ترد عليه وعيونها ماتناظره الا تذكرت لو تسمح اخوي عطنا دهن عود الوزير
البايع:يعطيهم دهن العود
مشهور:يشم دهن العود وعععععع وش هالريحه الخايسه بالله عليك هذا دهن عود
(دهن العود ريحه يجنن بس مشهور سوى كذا يبي يرفع ضغط شيهانه)
شوشو:تحاول تكتم صراخها وتدعي انه ماهزها(بالطقاق فيك وفي امك اعجبها او لا)
مشهورنقطة ضعفه امه لانها ماتت وهو عمره 6 سنوات)بصوووت عالي
وش قلتي يالواطيه امي بالطقاق يابنت ال.............هيه اصحي انتي واعرفي
من تحاكين تراني مشهور ال.............واذا بغيت جبتك خدامه عندي وجلس يسب
في شيهانه حتى خلاها جزمه الله يكرمكم ماتسوى
ام شوشو:تطالع الوضع مصدومه
عزام وعبدالاله يقربون من مشهور لما جلس يصارخ بهستيريا
مشهور:بصوووت عالي الظاهر ان بنتك ياخاله ماربيتيها جالسه تسب امي يبليهاا تربية من جديد
ام شوشو:حكت اخيرآ بعد مافاقت من الصدمه طيب بنتي غلطتي وانت بعد ماقصرت وماله داعي تطول صوتك
شوشو:ساكته لاتعليق بوسعها كانت ترد على مشهور بس لما شافت النظره
المكسوره من عيونه لما سبت امه سكتت
عزام يحاول يهدي مشهور.... وعبدالاله يمسكه ويبعده عن شيهانه
عزام:مشهور خلاص هدي مايسوي تسوي لنفسك فضيحه بمكان عام نسيت
انت من اولده
ام شوشو:بصووت عالي شيهانه طسي برا اتفاهم بعدين معك
شيهانه:ماراح اطلع يمه عشان هالآفه من يظن نفسه
مشهور:من الآفه ياطعسه انا والله لاوريك منهو الآفه
عبدالاله وعزام:يصارخووون على شيهانه وامها ان يطلعن برا
المحل والبايعين التفتوا على الصراخ وحاولوا يهداون الوضع خاصه انهم يعرفون مشهور
مشهور:كان شكله بركان ثاير جلس يحكي بصراخ واخوياه يهداونه
ام شوشو:اعتذر ياولدي عن اللي سوته بنتي ومالك الا الحشيمه انت وامك
وانا باوريك فيها
مشهور:بصراخ ياخاله امي ميته تسبها وهي بقبرها ليش؟مايكفي اني عايش
لحالي وضايع بدونها ؟>>>>اول مره يفضفض مشهور الللي بقلبه
عزام وعبدالاله:مصدوووومين ان مشهور يعصب ويفضفض اللي يقلبه وهو اللي طووول عمره مااحد شافه معصب ويقول اللي يقلبه
ام شوشو:كسر خاطرها مشهور لان حالته يرثى لها بصوت خافت(طيب ياولدي
بنتي غلطت وانا اعتذرت عنها بس انت خطاك من يعذره؟
مشهور:وهو عاقد حاجبه وصوته اختفى من الصراخ وش خطاي؟
ام شوشو:تستغباني ياولدي وتقول انك تبي مساعده عشان نعطيك ذوووقنا
بدهن عود تختاره لامك وانت تقول ان امك ميته وانا امنتلك بنتي لما عرفت انك
بتقدم هديه لامك وخليتها تنقيه معك وش تسمي هذا ياولدي؟
مشهور:بردت اعصابه بعد انفعاله خاصه ان كل ام يشوفها في هالعالم يعتبرها
ام له:ياخاله انا مو قصدي شي بس وسكت...................
عزام:خلاص ياخاله امسيحها بوجهي هالمره
ام شوشو:مابي شي ياولدي بس باقولك كلمه(ماكل طيرآ يؤكل لحمه)وترضى احد
من خواتك احد يتحرش فيهن...
عبدالاله:خلاص ياخاله انا اعتذر بالنيابه عنه بس اطلعي انتي وبنتك
شوشو:تطالع الوضع بصمت
ام شوشو:خير انشالله تستاذن وتطلع هي وبنتها
عبدالاله:اووووووووف وش هالاحراج اللي صار لنا خلونا نطلع
عزام:ايه والله يكفي فضايح خلونا نطلع
مشهور:ساكت لاتعليق
ام شيهانه:شيهانه وش سالفة هالشاب تعرفينه؟
شوشو:بربكه هاااااااااه لا وش عرفني اياه
ام شيهانه:متاكده ياشيهانه
شيهانه:والله يايمه مااعرفه
ام شيهانه:طيب ياشيهانه اذا انتي ماتعرفينه ليش عصبتي عليه كنت اطالع بنظراتك انك تعرفينه وحاقده عليه قوليلي وانا امتس انا ستر وغطا لتس
شيهانه:تقول بخاطرها(خبل اقولتس عشان تحرميني من الطلعه..يمه مااعرفه)
ام شيهانه:طيب باصدقتس بس يابنتي انا ماربيتس انتس تسبين والدين احد اذا غلط عليتس وش ذنب والديه خاصه وان ام هالشاب ميته استغفري يابنتي وادعي لها بالرحمه
شيهانه:من دون نفس تبي تسكت امها...>>>الله يرحم ام مشهور
ام شيهانه:تطالع بنتها بخبث >>>حافظتن بعد اسمه واناعلى كثر ماسمعت اخوياه ينادونه نسيته
شيهانه:لاحوووووووول يمه خلاص فكينا من القهر كنت باصكه بشنطتي من زين اسمه عاد
ام شيهانه:الله يستر علينا وعليه
مشهور طلع هو واخوياه وناظر شيهانه هي وامها برا...................يركبن مع السايق
عزام:حرام يامشهور سفلت بالبنت
عبدالاله:تستاهل ماجاها عشان تعرف تطول لسانها على احد ثانيه اجل تقول لمشهور يالآفه
مشهور:يناظر بشيهانه وهو حاقد عليها والله لاخليها تندم على هالكلمه
شيهانه وامها طلعن وكان مشهور سيارته وراهم مع اخوياه
ام شوشو:هذولا وش يبون الله يستر لايكون بيلحقوننا
شيهانه:يلحقوننا وش يبون فينا نسيتي يمه منهو اولده ماسمعتي يوم يهزاني
وش قال
امها:الا مشهور ال.............وخير يعني اذا هومن ال........................
ترانا احنا من ال...................
شيهانه:تضحك بسخريه وش جاب ال..........عند ال...........تكفين يايمه
خليتس عادله ههههههههههههههههههه
امها:فكينا كلنا لعيال ادم ومن طين
شيهانه:خير انشالله
مشهوركان ورى سيارة شيهانه هو واخوياه..........
عبدالاله:مشهور وش تبي بالبنت خلاص سفلت فيها
مشهور:مابي شي بس ابي اعرف بيتهم
عزام:كح كح اقول عبدالاله شكل بعض الناس طاح ولااحد سمى عليه
عبدالاله:القطو مايحب الا خناقه
مشهور:بعصبيه ممكن تنطم انت والثاني
اتعرف على طقاقه ولااتعرف علي هالغراب
عبدالاله:لا مشهور البنت واضح من عيونها انها مووت حتى ريانها حلو
عزام:عبدالاله ماعليك منه يهايط خوينا
عبدالاله:طيب مشهور دامها ماهمك ليش نطاردها؟
مشهور:يااغبياء انا اطاردها عشان مخطط لشي براسي
الشباب:وووووووش
مشهور:ههههههههههه مفاجاه بعدين اقولكم
ووصلت شيهانه وامها للشقه..........
ام شيهانه:شافت سيارة مشهور
عزام:مشهور الله يقطعك امها شافتنا
مشهور:كنت حاس انهم مو من الرياض شوفوا وين ساكنين
عبدالاله:حرام هالقمر مو هنا
عزام:عبدالاله شيهانه صاروخ بس ماشفت البنات اللي معها ياهن موووت
عبدالاله:بالله كم وحده وكيف اشكالهن وعيونهن زي شيهانه
عزام:بشويش لايوقف قلبك
ام شيهانه:شيهانه مشهور ورانا وعرف وينا ساكنين فيه اطلعي بسرعه وانا باروح
اهزاهم
شيهانه:انبسطت عشان مشهور طاردهم :طيب يايمه
الشباب لما حسوا ان ام شيهانه قربت لهم حركوا السياره وراحوا بعيد عنها...
ام شيهانه:شباب قليلين ادب ورجعت للشقة
مشهور:هههههههههه شفتوا شكل ام شيهانه
عزام:احس انها كانت بتضربنا بالعصى اللي معها
عبدالاله:ياحليلها هالعجيز
شيهانه:تدخل على البنات بهستيريا وهن نايمات ماصحن:بناااااااااااااااااااااااااااااااااات
الحقن حررررررررررررريق بالشقه
هيفا:فزت من نومها وكشتها منفوشه وووووووووووووووووش وين الباب
دانا:على طول صحت وانطلقت للباب
هنووووف:بصررررررررراخ ماابي امووت
مهره:ببرود وش فيكم
شيهانه:اضحك عليكن
البنات:يضربونها.......................بعد ماجاتها ضربات قويه
شيهانه:تصاااااااااااااااارخ بنات الاطخم شفته
هيفا:تزين كشتها والله وين
دانا:تكذبين
هنووووف:نطت على حضن شيهانه وين فيه
مهره:بسرعه قولي
شيهانه:قبل مااقولكن وحده تروح تجيب لي مويه والثانيه تجيب لي بيجامتي
والثالثه تجيب غداي والرابعه........مايمديها تكلم الا البنات يشدوون شعرها
البنات:يالله بلا بياخه قولي
شيهانه:طيب كسرتن خاطري باقولكن اول شي اسمه
هنووف:البنت خطيره جابت اسمه
دانا:ووووووووووش اسمه
هيفا:تكفين قولي واي طلبات تبينها والله لاسويها
مهره:ياسمجتس قولي
شيهانه:مشهوووووور ال............
البنات بلحظة انصدام:لا تكذبين
هيفا:والله اني داريه انه من هالعايله يالبيه واسمه بعد مشهور انا اشهد انه
مشهور بجماله وخشته
دانا:ماشااللله الله يحرسه لايق عليه الاسم
هنووف:وخير واذا من عايلة ال.........عرفنا منهم كثير
هيفا:صح عرفنا كثير بس مو زي مشهور هذا قمر مايجي منه اثنين
مهره:شيهانه علمينا كيف عرفتي وشلووون ووين شفتيه
شيهانه:تحكي للبنات السالفه
هنوووف:احسن تستاهلين اللي جاك وش هالقلة الادب
هيفا:ياويل قلبي يتيم كسر خاطري
دانا:حرام من جد مالك داعي شيهانه سخيفه
مهره:اعوذ بالله منك شيهانه وش هالسخافه فيك
هنوووف:احلى شي انه عرف شقتنا وان احنا مو من هالديره
دانا:بنات ظنكم بينشبلنا عسى مايقول لخالتي شي عن سوالفنا
هنوف:مالت عليتس هذا ينشبلتس وش يبي فيتس قولي احنا اللي بننشب له
شيهانه:شب انتي وياها ذلحين واحد حثاله مثل هذا تدافعن عنه ولما غلط علي
مافيه وحده وقفت معي كلكن معه مااقول الا مالت بس ياخسارة القرابه والصداقه
دانا:كسرت خاطرها شيهانه تحاول تهداييها يخسى مشهور واللي جابوه ندافع عنه
احنا معتس بالخطا والصح
هيفا:اسمحيلي دانا انتي دايم ذووقتس غلط احد يخلي القمر مشهور ويروح
للنجوم شيهانه
شيهانه:تنط على هيفا وتشد شعرها وش قلتي
هيفا:ههههههههههه اسحب كلامي
شيهانه:ايه تعدلي مابقى الا هالشين مشهور
هنووف:اذا مشهور شين اجل من هو الزين
مهره:خويي هيفا
البنات:خخخخخخخخخخخخخخخخخخخخخخخخخخخخخخخخخخ
هيفا:وجع يوجعكن مافيه شي يضحك
مشهور نزل اخوياه كل واحد بقصره ورجع للشقه اللي ساكنتها شيهانه
وجاب اخبار شيهانه كلها من هي بنته وكل شي عنها >>>عن طريق اللي بالريسبشن بعد ماخذا اسم ابو شيهانه اللي حاجزين باسمه الشقه جاب كل شي
رقمها ورقم كل واحد من اهلها حتى ديرتهم عرفها ووين يشتغل ابوها
وصار اللي ماهو على البال؟
موضوع: بنات البدو وشباب الرياض جزء (5) 
الأربعاء يوليو 02, 2008 3:22 pm