بعد ماخذا المعلومات اللي يبيها مشهور عن شيهانه خطط خطه يادب شيهانه خاصه ان شيهانه اول بنت ترد مشهور لا وتسب امه بعد.
بعدها رجع لقصره.....................................
رجع مشهور لقصره حزززززين ودخل غرفته ورمى نفسه على السرير وجلس يتذكر::::::::::::::
كان عمره ست سنوااات وتوه جاي من الروضه كان قصرهم مزحوووم الكل يصرخ ويبكي
ومشهور مو عارف وش السالفه حتى لمح اخوووه الكبير كان عمر اخوه 22 يطلعه من
الصاله ويتركه بحديقة القصر كان بالحديقه لورنس ولد خالة مشهور كان بنفس عمر
مشهور .
لورنس :مشهور ماماتك ماتت
مشهور وكان بيده شيبس ياكل منه يطالع لورنس وكان مصدوووم وساكت ويستمر
باكله للشيبس وهو بداخله يتقطع
طفل بعمر ست سنواااات ولااحد حوله ولاضمه ويجيه خبر وفاة امه كذا ببرووود
وش تتوقعووون يكووون ؟
مشهور لمح صديقة امه جايه له وتصارخ بصووووت عالي:ياقلبي يامشهور من عندك
ذلحين ومن بيهتم فيك كانت كلماتها زي السهم اللي يطعن قلب مشهور ماتنلام
صديقة امه مو مصدقه ان اعز صحباتها ماتت وتركت مشهور لحاله.
والد مشهور كان مكسور وحزززين على فرقا زوجته
مشهور يدخل مجلس الرجال ويجلس قرب ابوه واخوه وهو ضايع مايعرف وشلوون
يعبر.مرت الشهور وتزوج والد مشهور من وحده من تركيا وانجبت بنت وولد.
زوجة والد مشهور ماكانت تطيق مشهور وتخطط عشان يطلع يعيش برا وبالفعل
نجحت خطتها وعاش مشهور مع اخوووه وزوجة اخوووه اللي ماكنت تطيقه .
مسكين مشهور عاش طفوله مؤلمه بعيد عن حضن امه وابوه واخوه
قرر والد مشهور..( انه يعيش بقصر لحاله ومع خدم ويجيه بالاسبوع مره يتفقده.)
عاش مشهور وهو صغير بين الخدم وكانت رحمة الله عليه كبيره بان مديرة الخدم
كانت بمثابه الام لمشهور حنت على هالطفل اللي تخلت عنه عايلته واللي كان
مشهور بس مرتبط بعايلته بالاسم ماكان احد حوله ابد ..
واللي كان يزيد من ألم هالطفل انه اذا شاف اصدقاه بالمدرسه يتحدثون عن امهم
او ابوهم كان يصرررخ بداخله ليش وانا وين ماما وبابا.
مربيته كانت تلبي له جميع طلباته عشان تعوض له كل اللي فقده.
ابو مشهور كان بس ماعليه اللي انه يعطيه مصروف ولاياخذ اللي بخاطر مشهور
اما اخو مشهور ماكان يعرفه او يشوفه الا بالمناسبات
اما اخوان مشهور ماشافهم الا هم صغار لان زوجة ابوه ماتحب مشهور يقرب من اخوانه
كل هالظروف اللي عاشها مشهور انشات بداخله(شخص قاسي القلب ومغرور واي
شي يبيه يوصله )
قطع الذكريات اللي يعيشها مشهور صوت الباب.
نانا(مربيه مشهور):مشهور ممكن تفتح لي الباب
حست نانا ان مشهور فيه شي لانه دخل القصر بدون مايشوفها
مشهور:ماحب ان نانا تشوفه وهو بهالحال( نانا انا تعبان بانام)
نانا:ماتحب تصر على قرارها طيب ياالبوووو اذا عاوز اي شي نادني
مشهور:طيب نانا
نانابصووت واطي ياقلبي على هالمشهور من لما كان صغير وهو كتوووم ومو عارف
يعبر ابد حسبي على من كان السبب)
مشهور التفت وشغل على اغنية ابونوره مطر ولما سمع مقطع :
اتعلمين اي حزنآ يبعث المطر...وكيف يشعر الوحيد فيها بالضياع
تنهد مشهور وحس ببركان يغلى من داخله تمنى انه يبكي زي الناس بس هالشاب
ماعمر نزلت له دمعه ابد .
مشهور بداخله(وربي لاوريك ياشيهانه زي مارجعت لي هالذكريات اني لاعيشك بجحيم
انا اللي كل البنات يبون مني اشاره تجين انتي ترفضيني وتسبين امي بعد والله لاخليك
تندمين على كلامك)
جوالات مشهور ترن وكانوا صاحباته ولارد ولا على اي جوال فيهم
عبدالاله:عزام شفت شكل مشهور لما شيهانه سبته
عزام:ايه الله يستر بس وش يخطط مشهور لها
عبدالاله:ماعمري شفت مشهور بهالشكل ابد
عزام:ولاانا بعد ماعمري شفته كذا..تدري عبدالاله انه يكسر خاطري مشهور
كل ماتذكرت كيف عايش احمد ربي اني عايش بين اهلي
عبدالاله:اقول لايكثر وش في عيشته اتمنى اني عايش حياته مال وعز واسم عايلته
يشرف
عزام:صدق انك غبي ياعبدالاله وانت بس همك الماده وماهمك الشي المعنوي
يااخي الولد عاش طول حياته بعيد عن اهله ومع خدم
عبدالاله:ايه وربي كل ماتذكرت تقطع قلبي بس ماشالله عليه مشهور صدق انه جبل
ماهزته هالظرووف وربي لو انه واحد غيره ان يطلع يااخي داشر
عزام:بس مشهور موزي غيره هالانسان صدق انه قاسي القلب ومغرور بس واثق
انه بداخله طيب ماعمره قصر معي بشي واذا احتجت لشي سوا مادي او معنوي
مايقصر معي وربي احمد ربي ان الله عطاني صديق زيه
عبدالاله:يطالع عزام بخبث(افا وانا يااخي جاملني مو عاجبك)
عزام:ههههههههه لا انت مقامك فوق الراس بس مشهووور غير
عبدالاله:افا جحدتني ذلحين تتذكر يالشين لما طحت بمشكلة ....من فزع لك هاه
عزام:ياليلنا الطويل قدملي خدمه وحده ولازال يذلني عليها
عبدالاله:ههههههههههه لا كنت امزح بس وربي انك صادق حتى انا مشهور ماقصر
معي بس يقهرني فيه انه مايفضفض لنا دايم احنا نشتكي له وهو على ظروفه
ماعمره اشتكي لنا
عزام:ايه والله انك صادق الللله يوفقه ببنت الحلال اللي تنسيه همومه
عبدالاله:امـــــــين
هيفا:شيهانه يالله وين البنات بنطلع
شيهانه:ماادري عنهم كل وحده تتجهز قولي رايحات لعرس
هنووف:بنات خلنا نخربها اليوووم عشان بعد بكره راجعين للديره
شيهانه:تكفين لاتذكريني ياليت الديره تحترق عشان نجلس
هنووف:هب ياوجهتس بسم لله علي اهلنا ماعليش تحترق بس اهلنا ماهم فيها
هيفا:لاتنسين بعد خويي انشالله اذا احترقت الديره ماهو فيها بعد
شيهانه:الا انشالله يحترق هو والديره سوا عشان نفتك من ووجهه
هيفا:احرق الله كشتس انا من يوم شفتس محااربتن مشهور وانا غاسلتن يدي منتس
شيهانه:لاتجيبين طاري هالولد قدامي صفقتس
هنووف:كش وكش وكش من جد ذلحين عرفت ماعندتس ذووق ابد
مهره:هنوووف ماعليتس منها تراها تهايط علينا وهي تتمنى انه ذلحين موجود تحت
عند الريسبشن
شيهانه:تتمسخر>>>ياحبيلتس يامهره دايمن فاهمتني
البنات:هههههههههههههههههههههههههههههههه
دانا:بنات الحقوا علي عزوز خطب
هنوووف:مبروووووووووووووووووووك
هيفا:ههههههههههه ابرك عشان تفتكين منه
شيهانهحنت لدانا وانكسر خاطرها لما شافت شكل دانا)حبيبتي دانا انا قايله لك
من اول لاتحبين عن طريق التليفووون العبي ووسعي خاطرتس بس حب لا بس
ذلحين ماينفع الحكي ماتدرين يمكنها خيرة لك
البنات:ازعلوا لما شافوا شكل دانا وحبوا ينسونها طاري عزوز بس هيهات تنساه
دانا
هيفا:دانا ولايجي على خاطرك اليوووم بانقيلك واحد اطلق من هالصلبي خويك
دانا:كانت الدموع مليانه عينها(بليز هيفا لاتكلمين عن عزوز كذا)
هنوووف تغمز لهيفا من بعيد وتاشر لها ان تسكت
مهره تتقرب من دانا(حبيبتي دانا المهم انك قبل تحبين انك تعيشين واقع هالحب
انتي عارفه ان عزوز ....وانك انتي بنت قبايل حتى لو جا يخطبك ظنك اهلك بيوافقون
حبيبتي عيشي واقعك وبعدين يادانا حتى لو تتزوجينه ظنك انه بيثق فيك صدقني
استحاله تلقين حب صادق بزمانا هذا لان الحب الحقيقي هو اللي يجيك من عند الباب
مو من ورا النوافذ وانتي عارفه قصدي وصدقيني عزوز هو الخسران لانه خسر بنت
صادقه واجمل من وجهه
هنوووف:دانا حبيبتي لاتزعلين بكره تتزوجين وتنسين هالشين
هيفا:اقول قومي بس امسحي دموعك ومافيه رجال يستحق دمعة بنت صدقني
دانا:حاولت انها تسلي وتطبق كلام البنات بس ماقدرت كانت صورة عزوز ببالها ماتفارقها
ابد خاصة انها كانت صادقه معه ومخلصه ماكانت زي البنات تخووون
شيهانه:صبايا انا عازمتكم على حسابي الخاص عشان خاطر دانا حبيبة قلبي
هنوووف:دانا تكفين وافقي قبل تسحب كلامها شيهانه
هيفا:دانا اقول بلادلع بس قومي امسحي دموعتس ولااشوووف هالصلبي يكلمك
توطيت بطنه ترى ماهي انتي اللي يلعب عليها
مهره:يالله دانا قومي غسلي وجهك واطلعي ووسعي خاطرك واحمدي ربك انك
ماتورطتي معه بشي
دانا:تضحك مجامله عشان ماتخرب جو البنات(طيب باطلع)
هنووف:تعجبيني دانا ايه هذي دانا اللي اعرفها
شيهانه:تطالع دانا برآفه وتقول بنفسها(ياعمري يادانا ياشين هاليووم عليك وياكرهي
للرجال كلهم صدق مايستاهلون)
عزام يتصل بمشهور يتطمان عليه:الوووووووووو مشهور وينك فيه فاقدينك وربي
الجلسه من غيرك مافيها حلا
مشهور:انا جايكم بس عندي شغل باخلصه وبااجي
عزاااااااام:اخسسسسسسسسسس يالمهم انت اقول لاتكثر هرج تعال بسرعه
مشهور:لو تدري وش الشغل اللي لاهني كان جيت معي
عزااااااااام:مشهور تكفى لايكوووون فيها بنات ترى بااذبحك
مشهور:يااخي وانت كذا دايم تفكيرك وسخ وانا مالي ومال البنات خلها لين اجيك
عزززام:مشهوور دام مافيها بنات اجل حل عني وتعال بسررعه
مشهور:ههههههههههههه طيب
البنات نزلن من الشقه وطلعن يتعشن بمطعم ولما خلصن انزلن وتفاجأن.............
موضوع: بنات البدو وشباب الرياض جزء (6) 
الأربعاء يوليو 02, 2008 3:25 pm